Þriðjudaginn 18. desember 2001.
Nr. 440/2001.	Ákæruvaldið (Bogi Nilsson ríkissaksóknari) gegn Reginald Aghogho Mafemi (Sveinn Andri Sveinsson hrl.)

 

Fjársvik. Skjalafals.

R var ákærður fyrir fjársvik og skjalafals með því að hafa, í þremur heimsóknum til Íslands, notað í heimildarleysi falsaðar eftirgerðir 16 kreditkorta annarra í 47 skipti til að blekkja með þeim í lögskiptum við kaup á vöru, þjónustu og til úttekta á reiðufé í bönkum og hafa í 46 af þessum skiptum falsað undirskriftir, sem viðskiptamenn hans máttu ætla að væru korthafanna, á úttektarmiða og að hafa auk framangreindra 47 skipta notað í eitt skipti númer 17. kreditkortsins sem hann gaf upp í síma við kaup á flugfarseðli sér til handa, en með framangreindum blekkingum hafði hann af viðskiptamönnum sínum samtals um 5.328.450 krónur. R játaði sakargiftir. Í dómi Hæstaréttar segir að brot J séu mörg, stórfelld og skipulögð. Með þeim hafi hann svikið út peninga og vörur að verðmæti á sjöttu milljón króna og falsað jafnframt í sömu skipti nafnritanir undir greiðslunótur. Sé ljóst að hann hafi komið hingað til lands gagngert í þessum tilgangi. Við ákvörðun refsingar R var litið til einbeitts brotavilja hans, sbr. 6. tl. 1. mgr. 70. gr. almennra hegningarlaga og 1., 2., 4. og 8. tl. sama ákvæðis, svo og 1. mgr. 77. gr. sömu laga. Staðfesti Hæstiréttur niðurstöðu héraðsdóms um að R skyldi sæta fangelsi í 20 mánuði.

 

Dómur Hæstaréttar.

Mál þetta dæma hæstaréttardómararnir Markús Sigurbjörnsson, Gunnlaugur Claessen og Ingibjörg Benediktsdóttir.

Ríkissaksóknari skaut málinu til Hæstaréttar 28. nóvember 2001 í samræmi við yfirlýsingu ákærða um áfrýjun og jafnframt af hálfu ákæruvalds, sem krefst þess að refsing ákærða verði þyngd.

Ákærði krefst þess að refsing hans verði milduð.

Við meðferð málsins í héraði játaði ákærði sakargiftir og var málið rekið þar og dæmt samkvæmt 125. gr. laga nr. 19/1991 um meðferð opinberra mála.

Ákærði var handtekinn í brottfararsal á Kelfavíkurflugvelli 14. september 2001 er hann hafði framvísað falsaðri eftirgerð kreditkorts og var hann þá á leið úr landi. Hafði hann þar í fórum sínum 145.000 íslenskar krónur, 3.000 bandaríkjadali og 30 ensk pund. Við handtöku kvaðst hann heita Fforde Igbensuyuruwe Mukoro og framvísaði vegabréfi með því nafni, en síðar kom í ljós að vegabréfið var falsað. Við rannsókn málsins kom fram að ákærði hafði komið til landsins 12. september sl. og einnig tvívegis skömmu áður, 15. ágúst og 3. september, og dvaldi hann í bæði skiptin í nokkra daga. Lögregla fann við leit í farangri hans 11. október sl. annað vegabréf með nafni Reginald Aghogho Mafemi. Sendi lögregla fingraför ákærða til breskra lögregluyfirvalda í því skyni að fá staðfestingu á hver hann væri. Í svarbréfi þeirra 1. nóvember sl. var upplýst að fingraförin kæmu heim og saman við fingraför Gregory Oraka Bazunu. Verjandi ákærða hafði hins vegar tilkynnt lögreglu með bréfi 25. október sl. að ákærði segði að rétt nafn sitt væri Reginald Aghogho Mafemi. Samkvæmt bréfi Interpol London hefur ákærði gengið undir þessu nafni auk ofangreindra tveggja nafna. Með sama bréfi fylgdu upplýsingar um sakaferil Gregory Oraka Bazunu og staðfesti ákærði við rannsókn málsins að sá sakaferill ætti við sig. Hefur ákærði samkvæmt þeim hlotið hátt í fimm ára fangelsisrefsingu með þremur refsidómum í Bretlandi á árunum 1992 til 2000, aðallega fyrir þjófnað og fjársvik, en auk þeirra hlaut hann dómi í Sviss á árinu 1991 fyrir fjársvik.

Ákærði hefur játað skýlaust þau brot, sem honum eru gefin að sök í ákæru og þar eru réttilega heimfærð til refsiákvæða. Brot hans eru mörg, stórfelld og skipulögð. Með þeim sveik hann út peninga og vörur að verðmæti á sjöttu milljón króna og falsaði jafnframt í sömu skipti nafnritanir undir greiðslunótur. Er ljóst að hann kom hingað til lands gagngert í þessum tilgangi. Við ákvörðun refsingar ákærða ber einnig að líta til einbeitts brotavilja hans, sbr. 6. tl. 1. mgr. 70. gr. almennra hegningarlaga nr. 19/1940, og 1., 2., 5. og 8. tl. sama ákvæðis, svo og 1. mgr. 77. gr. sömu laga. Þykir refsing ákærða með vísan til framangreinds hæfilega ákveðin í héraðsdómi 20 mánaða fangelsi og skal samfellt gæsluvarðhald hans frá 15. september 2001 koma til frádráttar refsingu hans.

Ákvæði héraðsdóms um upptöku, skaðabætur og sakarkostnaður skulu vera óröskuð.

Ákærði verður dæmdur til að greiða allan áfrýjunarkostnað málsins svo sem í dómsorði greinir.

Dómsorð:

Héraðsdómur skal vera óraskaður, en þó þannig að til frádráttar refsingu ákærða, Reginald Aghogho Mafemi, komi samfellt gæsluvarðhald hans frá 15. september 2001.

Ákærði greiði allan áfrýjunarkostnað málsins, þar með talin málsvarnarlaun skipaðs verjanda síns, Sveins Andra Sveinssonar hæstaréttarlögmanns, 60.000 krónur.

 

Dómur Héraðsdóms Reykjavíkur 13. nóvember 2001.

Málið er höfðað með ákæru Ríkislögreglustjórans, dagsettri 8. nóvember sl. á hendur „breskum ríkisborgara sem gengur undir eftirtöldum tveimur nöfnum,Gregory Oraka Bazunu, London, Englandi, fæddur 11. desember  1968 og Reginald Aghogho Mafemi, London, Englandi, fæddur 18. nóvember 1968, fyrir fjársvik og skjalafals, með því að hafa, í þremur heimsóknum til Íslands dagana 15. - 16. ágúst, 3. – 5. og 10. – 14. september 2001, notað í heimildarleysi falsaðar eftirgerðir 16 kreditkorta annarra í 47 skipti til að blekkja með þeim í lögskiptum við kaup á vöru, þjónustu og til úttekta á reiðufé í bönkum og hafa í 46 af þessum skiptum falsað undirskriftir, sem viðskiptamenn hans máttu ætla að væru korthafana, á úttektarmiða og að hafa auk framangreindra 47 skipta notað í eitt skipti númer 17. kreditkortsins sem hann gaf upp í síma við kaup á flugfarseðli sér til handa samanber lið X. hér á eftir, en með framangreindum blekkingum hafði ákærði af viðskiptamönnum sínum andvirði samtals kr. 5.328.450 sem sundurliðast sem hér greinir:

I.

Úttekt á VISA kreditkort nr. 4257 5700 0008 3570 Korthafi T. Friend, T.M. ltd. Grapnic House, 33. Nutbrook Street, London
Dags. :	Úttektarstaður :	Eðli úttektar :	Fjárhæð :
15.08.2001	Landsbanki Íslands, Leifsstöð	Peningaúttekt	97.000
Úttektir samtals í IKR:			97.000
II.
Úttekt á VISA kreditkort nr. 4257 5700 0541 6734 Korthafi A. R. Davis, Infogrames UK ltd., Landmarkhouse, Hammersmith Bndge Rood, London
Dags. :	Úttektarstaður :	Eðli úttektar :	Fjárhæð :
15.08.2001	Landsbanki Íslands, Leifsstöð	Peningaúttekt	97.000
Úttektir samtals í IKR:			97.000
III.
Úttektir á VISA kreditkort nr. 4509 4932 2011 1384 Korthafi Robert Wylie, Wallan, Victoria, Ástralíu
Dags. :	Úttektarstaður :	Eðli úttektar :	Fjárhæð :
15.08.2001	Landsbanki Íslands, Hótel Loftleiðum	Peningaúttekt	202.120
15.08.2001	Keikó/Club Clinton Aðalstræti 4b, R.	Veitingar - þjónusta	25.000
15.08.2001	Keikó/Club Clinton Aðalstræti 4b, R.	Veitingar - þjónusta	25.000
Úttektir samtals í IKR :			252.120
IV.
Úttektir á VISA kreditkort nr. 4921 8191 5806 6622 Korthafi óþekktur
Dags. :	Úttektarstaður :	Eðli úttektar :	Fjárhæð :
15.08.2001	Rammagerðin, Hótel Loftleiðum	Vöruúttekt	38.604
15.08.2001	Keikó/Club Clinton Aðalstræti 4b, R.	Veitingar - þjónusta	3.000
16.08.2001	Landsbanki Íslands, Hótel Loftleiðum	Peningaúttekt	200.580
16.08.2001	Búnaðarbanki Íslands, Hótel Sögu	Peningaúttekt	200.000
16.08.2001	Landsbanki Íslands, v/ Hagatorg	Peningaúttekt	200.000
16.08.2001	Hótel Loftleiðir	Gisting o.fl.	27.130
16.08.2001	Landsbanki Íslands, Leifsstöð	Peningaúttekt	192.000
16.08.2001	Icelandair / Saga Boutique	Vöruúttekt	37.700
Úttektir samtals í IKR:			899.014
V.
Síma-úttekt og úttektir á VISA kreditkort nr. 4929 4051 1561 7004 Korthafi D. Crisp, Bretlandi
Dags. :	Úttektarstaður :	Eðli úttektar :	Fjárhæð :
03.09.2001	London  -  Icelandair	Símaúttekt –farseðill	112.134
03.09.2001	Icelandair / Saga Boutique	Veitingar /  vörur	26.200
04.09.2001	Landsbanki Íslands, Leifsstöð	Peningaúttekt	288.000
04.09.2001	Change Group Iceland. Leifsstöð	Peningaúttekt	195.300
Úttektir samtals í IKR :			621.634
VI
Úttekt á VISA kreditkort nr. 4943 4807 0025 4564 Korthafi M. Jacobs, Bretlandi
Dags. :	Úttektarstaður :	Eðli úttektar :	Fjárhæð :
04.09.2001	Búnaðarbanki Íslands, Hótel Sögu	Peningaúttekt	100.000
Úttektir samtals í IKR :			100.000
VII.
Úttektir á VISA kreditkort nr. 4929 4064 2469 4007 Korthafi Colin, Tipper, Bretlandi
Dags. :	Úttektarstaður :	Eðli úttektar :	Fjárhæð :
04.09.2001	Leonard, Kringlunni.	Vöruúttekt	259.000
04.09.2001	Íslandsbanki hf. Kringlunni.	Peningaúttekt	200.000
05.09.2001	Flugleiðir - Saga Boutique Leifsstöð	Vöruúttekt	20.580
Úttektir samtals í IKR :			479.580
VIII.
Úttekt á VISA kreditkort nr. 4340 0914 8007 4491 Korthafi Charles A. Hobbs, Bandaríkjunum
Dags. :	Úttektarstaður :	Eðli úttektar :	Fjárhæð :
04.09.2001	Leonard, Kringlunni	Vöruúttekt	120.400
Úttektir samtals í IKR :			120.400
IX.
Úttektir á VISA kreditkort nr. 4552 6290 0784 7700 Korthafi Lennart Jarlgård, Svíþjóð
Dags. :	Úttektarstaður :	Eðli úttektar :	Fjárhæð :
05.09.2001	Hótel Saga	Gisting o.fl.	42.590
05.09.2001	BSR  -  leigubíll nr. 21	Leigubíll	7.500
05.09.2001	Fríhöfn  -  Flugstöð Leifs Eríkssonar	Motorola GSM sími	25.900
05.09.2001	Fríhöfn  -  Flugstöð Leifs Eríkssonar	Áfengi	10.320
Úttektir samtals í IKR :			86.310
X.
Síma-úttekt á VISA kreditkort nr. 4552 9975 0411 2286 Korthafi Melvin Rook, Bretlandi
Dags. :	Úttektarstaður :	Eðli úttektar :	Fjárhæð :
10.09.2001	London  -  Icelandair	Símaúttekt- farseðill	113.621
Úttektir samtals í IKR :			113.621
XI.
Úttektir á VISA kreditkort nr. 4202 5400 0004 9166 Korthafi Wesley C. Llewellyn, Bandaríkjunum
Dags. :	Úttektarstaður :	Eðli úttektar :	Fjárhæð :
13.09.2001	Tal hf., Kringlunni	Nokia 9210	114.900
13.09.2001	Íslandsbanki hf., Kringlunni	Peningaúttekt	304.680
Úttektir samtals í IKR :			419.580
XII.
Úttekt á VISA kreditkort nr. 4154 4000 6205 6344 Korthafi Luis Gaio Curvelo, Portúgal
Dags. :	Úttektarstaður :	Eðli úttektar :	Fjárhæð :
13.09.2001	Barnakot ehf., Kringlunni	Vöruúttekt	60.000
Úttektir samtals í IKR :			60.000
XIII.
Úttektir á VISA kreditkort nr. 4929 4285 2459 0000 Korthafi M. Macgregor, Bretlandi
Dags. :	Úttektarstaður :	Eðli úttektar :	Fjárhæð :
14.09.2001	Landsbanki Íslands, Hótel Loftleiðir	Peningaúttekt	302.730
14.09.2001	Landsbanki Íslands, Austurbæjarútibú	Peningaúttekt	198.360
Úttektir samtals í IKR :			501.090
XIV.
Úttekt á VISA kreditkort nr. 4532 2136 3023 2187 Korthafi Bositti, Giancarla, Italíu
Dags. :	Úttektarstaður :	Eðli úttektar :	Fjárhæð :
14.09.2001	Landsbanki Íslands, Austurbæjarútibú	Peningaúttekt	99.180
Úttektir samtals í IKR :			99.180
XV.
Úttektir á Mastercard kreditkort nr. 5409 6400 0100 9785 Korthafi Harry Scott Esq, Bretlandi
Dags. :	Úttektarstaður :	Eðli úttektar :	Fjárhæð :
13.09.2001	Valmiki - skóverslun, Kringlunni	Skófatnaður	43.455
13.09.2001	Penninn sf.  Kringlunni	Ferðataska og tússp.	18.958
13.09.2001	Leonard  Kringlunni	Dömuúr, Bvlgari	182.000
13.09.2001	Hugo Boss / H.G.S. ehf.	Herrafatnaður	92.380
14.09.2001	Búnaðarbankinn í Hótel Sögu	Peningaúttekt	302.790
14.09.2001	Skór ehf. / 38 Þrep Laugavegi 49, R	Skór o.fl.	83.300
14.09.2001	Heimilistæki  Kringlunni	Nokia 8890 sími	54.995
14.09.2001	Vínbúðin  í Kringlunni	Áfengi	20.430
14.09.2001	Hótel Saga / Radisson SAS	Gisting o.fl.	35.674
Úttektir samtals í IKR :			833.982
XVI.
Úttektir á Mastercard kreditkort nr. 5434 6806 5349 2742 Korthafi Jane C. Neville, Berkshire, Bretlandi
Dags. :	Úttektarstaður :	Eðli úttektar :	Fjárhæð :
13.09.2001	Landsbanki Íslands, Leifsstöð	Peningaúttekt	306.690
13.09.2001	Landsbanki Íslands, Leifsstöð	Peningaúttekt	203.000
Úttektir samtals í IKR :			509.690
XVII.
Úttektir á Mastercard kreditkort nr. 5473 6720  2304 8732 Korthafi Bradley Piper, Hampshire, Bretlandi
Dags. :	Úttektarstaður :	Eðli úttektar :	Fjárhæð :
14.09.2001	Japis, Kringlunni	CD diskar	24.090
14.09.2001	Penninn, Kringlunni	Ferðataska	9.600
14.09.2001	Skífan, Kringlunni	Vöruútt. CD-diskur	1.799
14.09.2001	Asía, veitingahús, Laugarvegi 10	Veitingar	2.760
Úttektir samtals í IKR :			38.249
Heildarúttektir samkvæmt liðum I. – XVII. samtals í IKR :			5.328.450

 

Brot ákærða samkvæmt framantöldum liðum I. – XVII. teljast varða við 248. gr. almennra hegningarlaga nr. 19, 1940.

Brot ákærða samkvæmt framantöldum liðum I. – IX. og XI. - XVII. teljast varða við 155. gr. almennra hegningarlaga nr. 19, 1940.

Þess er krafist að ákærði verði dæmdur til refsingar fyrir framangreind brot.

Upptökukrafa

Gerð er krafa um að ákærða verði gert, með vísan til 3. töluliðar 1. mgr. 69. gr. almennra hegningarlaga, nr. 19, 1940, að þola með dómi upptöku á peningaseðlum að fjárhæð USD 15.000,00, GBP 30,00 og IKR 145.000,00 sem ákærði bar á sér og fundust í farangri hans og haldlagðir voru af lögreglu eftir handtöku hans 14. september 2001.

Bótakröfur

1.                                                           Kreditkort hf. krefjast, með vísan til 1. mgr. 170. gr. laga nr. 19, 1991, að ákærði verði dæmdur til að greiða þeim skaðabætur vegna úttekta á veitingum og varningi kr. 569.441,00 og vegna peningaúttekta kr. 812.480,00 eða samtals kr. 1.381.921,00, auk dráttarvaxta frá 2. október 2001 til greiðsludags, ásamt innheimtuþóknun, kr. 119.640, ásamt áföllnum kostnaði.

2.                                                           VISA Ísland – Greiðslumiðlun hf. krefst, með vísan til 1. mgr. 170. gr. laga nr. 19, 1991, að ákærði verði dæmdur til að greiða þeim skaðabætur sem nema að hámarki kr. 3.946.529,00 vegna hugsanlegra bótakrafna sem fram kunna að koma síðar frá úrgefendum VISA korta erlendis fyrir hönd þeirra viðskiptamanna þeirra sem eiga kort sem fölsuð hafa verið og fundust í fórum ákærða.  Mál:  035-2001-1446.

Ákærði er í gögnum málsins ýmist nefndur Reginald Aghogho Mafemi eða Gregory Oraka Bazunu.  Hann var með tvö bresk vegabréf þegar hann var handtekinn hvort á sitt nafnið.  Hann kveður sitt rétta nafn vera Reginald Aghogho Mafemi og segist hann vera fæddur í Lundúnum 18. nóvember 1968, breskur þegn.

Kreditkort hf. hafa lækkað bótakröfu sína í 1.050.712 krónur auk dráttarvaxta frá 2. október 2001 til greiðsludags.”

Málavextir

Ákærði hefur skýlaust játað það brot sem hann er saksóttur fyrir.  Hefur hann orðið sekur um athæfi það sem lýst er í ákærunni og réttilega er þar fært til refsiákvæða.  Brot ákærða er stórfellt og skipulagt.  Þykir refsing hans hæfilega ákveðin fangelsi í 20 mánuði.  Frá refsingunni ber að draga gæsluvarðhaldsvist ákærða frá 15. september sl., samtals 59 daga.

Samkvæmt 3. tl. 69. gr. almennra hegningarlaga ber að dæma ákærða til þess að þola upptöku á þeim peningum sem hald var lagt á hjá honum.

Ákærði hefur samþykkt bótakröfu Kreditkorta hf.  Ber að dæma hann til þess að greiða fyrirtækinu 1.050.712 krónur í skaðabætur ásamt dráttarvöxtum samkvæmt III. kafla laga um vexti og verðtryggingu nr. 38,2001, frá 2. október 2001 til greiðsludags.

Ákærði krefst þess að bótakröfu Visa Ísland - greiðslumiðlunar hf. verði vísað frá dómi.  Krafa þessi er óljós um kröfufjárhæðina og í henni er fyrirvari vegna hugsanlegra bótakrafna.  Ber að vísa henni frá dómi.

Dæma ber ákærða til þess að greiða allan sakarkostnað, þar með talin réttargæslu- og málsvarnarlaun til Sveins Andra Sveinssonar hrl., 250.000 krónur.

Pétur Guðgeirsson héraðsdómari kvað upp dóminn.

DÓMSORÐ:

Ákærði, Reginald Aghogho Mafemi, öðru nafni Gregori Oraka Bazunu, sæti fangelsi í 20 mánuði.  Frá refsingunni dregst 59 daga gæsluvarðhaldsvist ákærða.Ákærði sæti upptöku á 15.000 bandaríkjadölum, 30 sterlingspundum og 145.000 krónum.

Ákærði greiði Kreditkortum hf. 1.050.712 krónur ásamt dráttarvöxtum frá 2. október 2001 til greiðsludags.

Ákærði greiði allan sakarkostnað, þar með talin réttargæslu- og máls­varnarlaun til verjanda síns, Sveins Andra Sveinssonar hrl., 250.000 krónur.